ONGI ETORRI

Emaztea senarrarekin erosi berria zuten etxeko leihotik begira jarri zen. Parez pare bizilagunaren izarak zituen, zikinak oso, haren ustean.

• Ikusi zein zikinak dauden maindireak! - esan zion senarrari.

Hurrengo egunean emazteak ekintza bera egin zuen.

• Gaur ere arropa zikin-zikina eseki du gure aldamenekoak... Zatoz ba! Ikus ezazu zure begiekin, arrituta geldituko zara!

Senarra leihora urbildu zen.

Hurrengo egunean, emazteak:

• Hara! Bejondeiola! Gure bizilagunak maindireak garbitzen ikasi du edo eta gaurkoan jaboia erabili ote du?

• Ez bata ez bestea. - gizonaren erantzuna.

• Zer diozu? - Emazteak harriturik.

• Gure leihoko kristalak garbitu ditut.  
  
  
  ...................................
  
  
  
  
  Bizilagunaren izarei begira egotea ez da delitua, aitzitik, norbanakoaren pentsamenduan bidaiatzeko ariketa interesgarria izan daiteke; amets egin dezakezu, imaginatu, konpartitu, proposatu..
  
  
  Zuek ere halaxe egitea nahiko nuke; zuen esanak blog honetan konpartitzea.
  
  
  Hemen izarak zintzilik daude, beti ere berau kristal garbiekin ikusten badituzue...
  
  
  Ongi etorri beraz eta hasi kuxkuxian!!